Galicia Ártabra Digital Noticias de Ferrol y la comarca de Ferrolterra.
O premio ferrolán do ano deste 2017 chega por duplicado. A Xunta de Voceiros, reunida na mañá deste mércores en Alcaldía, acordou a concesión desta distinción ex aequo a equipa femenina de básket, o Universitario Ferrol, e as Irmandades da Fala, no I centenario da súa fundación na nosa cidade.
Como sabedes, e así consta nos artigos do 189 a0 191 do ROF do Concello de Ferrol, no que se regulan as honras e distincións, o premio Ferrolán do Ano recoñece o traballo de “persoas ou entidades que, ao longo dun ano, destaquen especialmente en calquera das ramas do saber humano ou que as súas iniciativas, esforzos ou feitos proxecten vinculación con Ferrol, revistan importancia ou signifiquen unha promoción dos intereses sociais, económicos e culturais do municipio e dos seus veciños e veciñas”.
UNIVERSITARIO FERROL
Fundado en 1997, o Universitario de Ferrol é un club que actualmente disputa a súa cuarta tempada en Liga Feminina, a primeira división do baloncesto español. Nestas dúas décadas de historia o equipo tamén militou durante 12 tempadas en Liga Feminina 2. No seu palmarés convén destacar catro títulos de Copa Galicia, gañados de forma consecutiva desde o ano 2013.
Un recoñecemento aos éxitos acadados nesta tempada deportiva e un recoñecemento tamén que, xa mais aló do puramente deportivo, vai na posta en valor do deporte femenino e moi particularmente o aplauso da cidade ao mérito, a entrega, o pundonor e ambición destas rapazas que poñen todo o esforzo e corazón na cancha para cada partido, e que foron quen de ilusionar a toda unha cidade.
IRMANDADES DA FALA EN FERROL, no I Centenario da súa fundación
A Fundación das Irmandades da Fala en Ferrol foi 15 de abril do 1917. Co gallo deste I Centenario, e alén dos roteiros, as exposicións e das homenaxes que a cidade lle rendiu neste ano que remata, e que tiveron o seu epicentro no mes de abril con descubrimento dunha praca, o Concello recoñece con este premio Ferrolán do Ano unha vinculación estreita e innegable coas Irmandades, tal e como quedou de manifesto na exposición Saúde e Terra, Irmá(n) s que organizou a Real Academia Galega, a Deputación e ou Museo do Pobo Galego.
A conexións da nosa cidade coas Irmandades vai da man de Imeldo Curral, e do Real Coro Toxos e Froles (moi relacionado con este movemento fundamental non proceso de dignificación dá nosa língua), de Xaime Quintanilla Martínez a través dá Editorial Céltiga e dous escritores e actores como foron Eugenio Charlón e Manuel Sánchez Hermida.
A Xunta de Voceiros reunirase novamente o venres 22 para tomar unha decisión definitiva sobre a concesión das tres Insignias de Ouro da cidade, habida conta de que son nove as propostas a debate. Os premios entregaranse, como sempre, o próximo 7 de xaneiro no teatro Jofre de Ferrol, co gallo do día de San Xiao, patrón da cidade.
