As xuntanzas veciñais para os orzamentos en Cabanas continúan este venres en Santa Cruz

Tralo seu paso por Laraxe, as xuntanzas veciñais organizadas polo Concello de Cabanas nas diferentes parroquias para recabar as propostas ós orzamentos municipais para o próximo ano continuarán este venres, 20 de outubro, no local social de Santa Cruz. A veciñanza poderá trasladar as súas suxerencias e iniciativas a partir das 20 horas.

Con esta iniciativa, o Concello busca favorecer a participación veciñal, especialmente no tocante ó capítulo de investimentos.

O calendario continuará a vindeira semana en San Martiño do Porto (o 26 de outubro) e no mes de novembro nas Viñas (día 6) e Lavandeira (día 8).