As xornadas de divulgación do proxecto turístico “A Fraga Feita Mar” continúan mañá enfocadas ó sector da hostalería

As xornadas de divulgación do proxecto estratéxico de turismo “Cabanas: A Fraga Feita Mar” continuarán mañá mércores, 20 de setembro. Nesta ocasión, o Concello informará do programa no salón de plenos da casa consistorial ó sector da hostalería, pero tamén tentará coñecer a súa opinión e recabar as súas suxestións, buscando a súa implicación directa. Así, a xornada dará comezo ás 19 horas.

“Cabanas: A Fraga Feita Mar” é un proxecto que está a desenvolver un equipo multidisciplinar da Universidade de Santiago de Compostela, e que conta coa financiación do Fondo Europeo Marítimo e de Pesca (FEMP) a través da Consellería do Mar, ademais da aportación do Concello de Cabanas. Un proxecto xestionado dentro do Grupo de Acción Local do Sector Pesqueiro (GALP) Golfo Ártabro Norte.