Premian ao Hiper Froiz Narón pola súa axuda ao Centro de Recusos Solidarios

A concelleira de Acción Social, Catalina García, e Carmen Ponce, vogal e voluntaria da Asociación Centro de Recursos Solidarios de Narón, entregaron na tarde deste xoves ao xerente do Hiper Froiz Narón, José Ramón Veiga, un diploma que acredita ao establecemento como “Colaborador do Ano” da citada entidade.

García valorou a axuda prestada ao Centro de Recursos Solidarios de Narón “desde o inicio da súa actividade”, así como a celeridade coa que actuaron nos casos nos que se precisaba colaboración de modo urxente para atender aos usuarios, preto dun milleiro de persoas de Narón e comarca.

O xerente do Hiper Froiz Narón agradeceu o recoñecemento e amosou a dispoñibilidade da empresa a “colaborar en todo o que poidamos neste tipo de causas solidarias”.

O acto tivo lugar ás 17.00 horas nas instalacións do Hiper Froiz Narón, no Centro Comercial Narón.