O CTG e o Concello de Narón impulsan unha campaña de doazón de sangue

A campaña de doazón de sangue impulsada desde o Centro de Transfusión de Galicia (CTG) e na que colabora o Concello de Narón co reparto de 11.000 dípticos informativos, iniciarase esta tarde na localidade. Unha das unidades móbiles do CTG estará hoxe entre as 15:30 e as 21 horas na Praza da Constitución, no barrio da Solaina, para atender aos doantes que queiran participar. Desde o Centro de Transfusión de Galicia recordaron que os niveis de reserva máis baixos na actualidade correspóndense cos grupos A+ e B+, se ben destacaron a importancia de que se realicen tamén doazóns do resto de grupos sanguíneos.

A iniciativa, entre cuxos obxectivos está incrementar o número de doazóns de sangue na localidade, continuará mañá e o mércores. En ambas xornadas a unidade móbil do CTG localizarase nas inmediacións do centro de saúde, na rúa 25 de Xullo, de 9:30 a 14:30 e desde as 15:30 ata as 21 horas.

Desde o Centro de Transfusión de Galicia e o Concello agradecen a colaboración de todas aquelas persoas que se impliquen nesta campaña. Así mesmo, desde o CTG subliñaron a importancia de incrementar as reservas de sangue no verán, ao ser unha época donde soe incrementarse a demanda debido ao aumento do número de accidentes.