Comezan as primeiras asembleas de barrio. A estudo as liñas do transporte público

O Concello de Ferrol ven de convocar as nove primeiras asembleas veciñais no mes de abril, a que están chamados todos os barrios e parroquias do municipio en nove citas do 4 ao 15 de abril, de 18 a 21 horas.

A primeira delas iníciase no Carvalho Calero na tarde deste luns

Están fixadas co ánimo de abrir as portas do Goberno local a participación directa nun proceso aberto co ánimo de tomar nota das demandas, fixar prioridades, abrir vías de diálogo para mellorar a calidade de vida de cada barrio e do municipio en xeral. En concreto, un dos obxectivos que se marca esta fase, que chega logo do I Foro Cívico «Reiniciamos», pasa polo redeseño das liñas do transporte municipal no procura do consenso para gañar en viaxeiros e eficiencia. É o primeiro paso dun total de 46 xuntanzas previstas cos veciños -23 de ida e 23 de volta para facer balance- que forman parte do proxecto «Reiniciamos».

Así o expuxeron os concelleiros de Participación e Urbanismo, Álvaro Montes e María Fernández Lemos, que deron conta da iniciativa que arranca o 4 de abril. As asembleas, expuxo Montes, servirán para escoller aos representantes de cada barrio e parroquia para sentar futuro Consello da Veciñanza.

«A nosa idea é trasladar o deseño do transporte público que queremos para a nosa cidade e que cada veciño e veciña, da idade que sexa, poida conectar os puntos mais necesarios para a súa vida e a súa cidade», manifestou e edil de Participación. En total, engadiu, ao termo do proceso vanse celebrar un total de 46 xuntanzas cos veciños (23 de ida e 23 de volta para facer balance), aínda que o proceso

Pola súa banda, María Fernández Lemos, concelleira de Urbanismo e Infraestruturas, sinalou que o actual Plan de Transporte Metropolitano da Xunta «non é suficiente». «Ten problemas de operatividade: as rutas non son suficientes e as frecuencias tampouco e eso motiva moitas queixas cidadás».

«Coido que o mellor xeito de chegar a xente é, precisamente, por medio destas asembleas participativas para ter unha visión global das necesidades dos usuarios. O que temos que lograr é ampliar o número de usuarios porque o transporte en Ferrol non vai a mellorar se non gaña usuarios e moito mais, se facemos esta aposta por una cidade peonil », manifestou Lemos.

O obxectivo, resumiron ambos concelleiros, é «chegar a poboación para que poidan facer o seu propio mapa de transporte e implementar liñas e horarios a partires do 2017 co maior grao de consenso posible.

CALENDARIO PREVISTO PARA AS ASAMBLEAS DE BARRIO DE 18 A 21

4 abril.- Centro Cultural Carvalho Calero-Ensanche A, Esteiro e Recimil
5 abril.- Local AAVV de Serantes-Serantes e Mandiá
6 abril.- Centro Cívico de San Pablo-San Pablo de Catabois, Sta. Mariña e Sta. Cecilia
7 abril.- Local AAVV de San Xoán-Ensanche B (Ultramar) e San Xoán
11 abril.- Local Asoc. Parroquial San Román- Doniños, San Xurxo e Brión
12 abril.- Centro Cívico de Caranza- Caranza
13 abril.- Local AAVV A Cabana-A Cabana, A Graña e San Felipe
14 abril.- Local AAVV de Esmelle-Esmelle, Covas e Marmancón
15 abril.- Antigo Hospicio-Magdalena, Canido e Ferrol Vello