O Concello de Narón inicia as reunións dos Consellos Territoriais da localidade

O local da Asociación de Veciños Virxe de Fátima, de Freixeiro, acolleu este luns 15 a primeira das reunións dos Consellos Territoriais programadas pola concellería de Participación Cidadá de Narón, á fronte da que está a edil socialista Catalina García.

A xuntanza tivo lugar a partir das 17 horas e á mesma acudieron convocadas todas  entidades do citado barrio, inscritas ou no, e tamén os representantes dos grupos políticos municipais nomeados para os citados Consellos Territoriais. A concelleira Catalina García subliñou «a importancia de que as asociacións acudan a estas convocatorias nas que teremos a oportunidade de analizar o traballo que cada unha delas desenvolve na súa zona, así como, a partir do mesmo, estudar posibles actuacións a levar a cabo desde o Concello en función das necesidades de cada parroquia e de cada barrio da localidade, co fin de avanzar nas propostas de zona».

As reunións dos Consellos Territoriais, que terán unha duración aproximada dunhas dúas horas, continuarán desenvolvéndose nas vindeiras semanas. A edil de Participación Cidadá avanzou que «as seguintes xuntanzas xa convocadas terán lugar no local social de San Mateo o 22 de febreiro, ás 18 horas; na AVV do Alto, o 24 deste mes ás 17:30 horas; na AVV Ceibe San Xiao, o 2 de marzo ás 17 horas; no local social de Castro, o 3 de marzo –a hora está pendente de concretar-, e na AVV do Couto, o 14 de marzo ás 17:30 horas. Nos vindeiros días procederase a convocar as reunións pendentes ata completar os catorce Consellos Territoriais de zona, tal e como explicou a edil naronesa.

Unha vez realizadas estas xuntanzas, persoal técnico do Concello encargarase de estudar a viabilidade das propostas plantexadas polas diferentes entidades. Estas reunións terán continuidade con outras a celebrar, previsiblemente, despois do verán, e nas que xa se avanzará sobre as posibilidades de materializar as intervencións plantexadas e onde se concretarán as prioridades co fin de elaborar un informe específico de cada un dos barrios.