Foro Amigos Ferrol/ Ferrol, cara e cruz da conservación do patrimonio

foro amigos ferrol-1Foro de Amigos de Ferrol

Con bo criterio, fai poucas datas procedeuse ao pintado dun dos edificios máis emblemáticos de estilo Modernista de Ferrol. O actual edificio da Cruz Vermella naceu na rúa do Sol como Dispensario Antituberculoso, sendo obra da autoría do arquitecto coruñés Julio Galán Carbajal.

A súa construción no año 1911 veu a significar unha certa aparición do modernismo foro-1xustamente nun edificio de uso público, sendo considerada un precedente nas novas formas de entendela arquitectura no medio urbano. O repertorio decorativo de elementos vexetais xeométricos inscríbese nunha fachada almofadillada de bandas de cemento e tixolo.

Non obstante, cumpre dicir que nesta ocasión non foi nada afortunado o tratamento feito en branco monocromo do deteriorado escudo da cidade de Ferrol que aparece no frontis da fachada. Colocado sobre una metopa poligonal foi elaborado de material de obra e de orixe estaba pintado de forma máis axeitada, co emprego de tons en gris, azur, ocre e negro. Son as cousas que pasan cando a xente segue a rutina e non se documenta como é debido.

foro-2No polo oposto atópase outro edificio practicamente contemporáneo do anterior, o teatro Rena, neste intre nun estado de total abandono. Obra doutro arquitecto coruñés, Eduardo Rodríguez-Losada, construiuse o ano 1919 dentro do estilo Ecléctico, mostrando diversos motivos e inspiracións modernistas en su fachada de la calle del So, que ademais amosa remate cupulado e una serie de fermosos alicatados neorenacentistas.

Cando xa estaba fora de servizo e abandonado, o ano 1991 o teatro Rena sufriu un incendio que afectou gravemente a súa estrutura. Desde entón o Concello coa teima da súa presunta falla de recursos, as asociacións culturais (especialmente as teatrais e musicais, desde Amigos del Jofre ata a Filarmónica Ferrolana) co seu desinterese, a Asociación de Veciños do Centro, sempre na inopia, coa súa nula implicación, e unha nefasta propiedade máis atenta á rentabilización inmobiliaria do seu solar, están a levar ao Rena a unha situación de cada vez maior desleixo.

 

Lea también

Asís Fernández Riestra presenta en la Central Librera de Ferrol su obra «El tiempo del mar»

Ante entusiasmado público fue presentado este jueves en la Librería Central el libro «El tiempo …