Galicia Ártabra Noticias de Ferrol y la comarca de Ferrolterra.
Preto de 120 persoas tomaron parte na mañá de hoxe sábado na Andada a Santo André de Teixido organizada polo Concello de Valdoviño. Tratábase dunha edición do máis especial, xa que se cumprían 25 anos dende a primeira.
Sete persoas participaban nunha e noutra, entre elas a técnica municipal de Cultura, Rita Díaz, gran impulsora deste proxecto, e o alcalde de Valdoviño, Alberto González, que actuou como guía en boa parte das 25 edicións, aínda que nesa primeira e noutras posteriores facíao na súa condición de arqueólogo.
Coa mesma ilusión, os romeiros e romeiras partían dende o lugar da Rocha ben cedo, e contra o mediodía alcanzaban o santuario cun tempo do máis idóneo, sen sol e apenas sen choiva. Entre as paradas destacadas, a vella igrexa de Loira, a capela da Fame, onde puideron acceder ao interior e admirar o fermoso retablo policromado, e máis Porto do Cabo, onde agardabanunhasanfitrioas «moi especiais» chegadas de Vilaboa para ofrecer mazás, bola e máis café.
Como broche de ouro, o Concello entregaba ás persoas participantes unha peza de cerámica conmemorativa desta 25 edición elaborada por Mai Estudo de Cerámica, con sede en Vilarrube.
