Valdoviño inaugura o Entroido a ritmo de rock co Encontro Infantil

Valdoviño inauguraba na tarde deste sábado o calendario festivo do Entroido a ritmo de rock co Encontro Infantil.

Centenares de familias están a participar un ano máis na cita, que o Concello celebra no pavillón municipal O Longoiro, en Meirás. Música, xogos, talleres creativos, o caricaturista e inchables son as propostas do evento para as familias, que nesta XIV edición leva por lema «A rockear».