Galicia Ártabra Noticias de Ferrol y la comarca de Ferrolterra.
Será este venres 27 dentro do seu ciclo de «Xuntanzas Naturalistas», e será impartida polo botánico e investigador da USC.
Co título «Flora serpentínica: ecoloxía e conservación«, a delegación de Ferrol da SGHN organiza, dentro do seu ciclo Xuntanzas Naturalistas baixo o patrocinio da Deputación da Coruña, unha conferencia sobre a sorprendente diversidade vexetal que habita nos solos ultrabásicos das serras do Careón e da Capelada.Esta flora é única e de grande importancia ecolóxica, xa que inclúe especies endémicas e adaptadas a condicións extremas, contribuíndo á biodiversidade e á conservación de ecosistemas raros e especializados. Pablo Rodeiro é investigador predoutoral no departamento de Botánica da USC e está realizando a investigación nesta flora asociada a serpentinas.
Durante a súa ponencia Rodeiro falará sobre a distribución destas especies; as características ecolóxicas dos seus hábitats; endemismos exclusivos e outras especies ligadas a serpentinas e ao afloramento; o enorme valor ecolóxico que teñen estas especies; as ameazas, e as medidas propostas para a súa conservación.
A conferencia terá lugar ás 19:30 deste venres 27 no auditorio do Museo de Historia Natural de Ferrol, e a asistencia á mesma é libre ata completar o aforo.
