Galicia Ártabra Noticias de Ferrol y la comarca de Ferrolterra.
Aberta ao público de luns a domingo, en horario de 14:30 a 20:30 horas, e as solicitudes de abonos para a piscina deberán facerse no Concello en horario de 9:00 a 14:00 horas. Un ano máis haberá servizo de cantina nas instalacións.
O Concello das Somozas abrie este mes de xuño a piscina descuberta municipal para a tempada estival, que volverá a contar con servizo de cantina.
O recinto abrirá do 25 de xuño ao 15 de setembro e o horario de apertura ao público será de luns a domingo, en horario de 14:30 horas a 20:30 horas. As persoas abonadas ao pavillón multiusos teñen acceso gratuíto á piscina descuberta, para iso deberán identificarse con algún documento acreditativo con foto.
Tamén, as persoas abonadas á piscina descuberta terán acceso ao ximnasio do pavillón, o cal terá o seguinte horario nos meses de xullo e agosto: de luns a venres de 10:00 a 13:00 horas e de 18:00 a 21:00 horas.
As solicitudes de abonos para a piscina descuberta deberán facerse no Concello en horario de 09:00 a 14:00 horas.
Servizo cantina
Outro ano máis, as instalacións contarán con servizo de cantina, anexo ás instalacións, que estará a disposición das persoas usuarias, no mesmo horario ca piscina.
