O Auditorio de Ferrol acolle este domingo o concerto Silvia & Salvador

Entre os compositores que participaron neste álbum están Jorge Drexler, Lau Noah ou Luisa Sobral.

O Auditorio municipal de Ferrol acolle este domingo 22 ás 19.30 horas o concerto Silvia & Salvador, a cargo dos músicos Silvia Pérez Cruz e Salvador Sobral. Únense, así, dous talentos, cantantes e compositores, que están de xira durante este 2025 presentando o seu último álbum.

Un traballo formado por novas cancións que son o resultado de amizades e inspiracións comúns. Compositores cercanos a eles dous protagonizan o repertorio deste disco, que conta con temas compostos por Jorge Drexler, Lau Noah ou Luisa Sobral entre outros.

O xénero deste concerto navega entre o pop, o folk e o jazz, sendo axeitado para tódolos públicos e idades. As entradas xa están esgotadas.