Galicia Ártabra Digital Noticias de Ferrol y la comarca de Ferrolterra.
O Campus Industrial de Ferrol acollerá, entre os meses de xuño e xullo, o Campamento Tecnolóxico de Verán “Misión: Salvar a Terra”, dirixido á rapazada de entre 6 e 16 anos que organiza, por segunda vez, Play Code Academy en colaboración co Campus Industrial da Universidade da Coruña (UDC). A oferta lúdico formativa desta iniciativa permitirá que a cativada inscrita goce dunha experiencia educativa na que descubrirán como a tecnoloxía pode ser unha grande aliada para protexer o planeta terra.
Programar drons para reforestar, construír robots recicladores ou deseñar estacións meteorolóxicas intelixentes serán algúns dos retos aos que se enfronte a rapazada inscrita neste campamento tecnolóxico de verán mentres
desenvolve competencias clave en ámbitos como os da programación, a robótica ou a ciencia. Así, ao longo dos días, este grupo de heroes e heroínas traballará con ferramentas innovadoras como son a robótica con LEGO, Arduino, Drons, Micro:Bit, Edison, CoSpaces ou mesmo se achegarán ao eido do deseño e da impresión 3D.
Os obradoiros desenvolveranse entre o luns 23 e o venres 27 de xuño e entre o luns 30 de xuño e o venres 4 de xullo, en horario de 09:00 a 14:00 horas.
Existe a posibilidade de participar na modalidade “Madrugadores e Madrugadoras”, de 08:00 a 09:00 horas, na que se inclúe, a maiores, un servizo de comedor. A tarifa xeral é de 129 euros. O prezo para as persoas integrantes da comunidade universitaria ascende a 109 euros. Play Code Adacemy ofrece descontos para o segundo ou terceiro neno ou nena pertencente á mesma unidade familiar. As prazas son limitadas e cubriranse por rigorosa orde de inscrición.
Máis información enviando un correo electrónico a info@playcodeacademy.com ou ben chamando ao 633 232 386.
Inscricións en https://playcodeacademy.com/campus-tecnologico-udc-ferrol/,
