Os grandes nomes do cómic actual interpretan o xenio de Picasso no novo proxecto expositivo de Afundación en Ferrol

Co gallo da celebración do Día do Cómic neste mes de marzo, Afundación, a Obra Social de ABANCA, presenta na Sede Afundación de Ferrol a exposición «Picasso protagonista. Viñetas no cómic español contemporáneo», unha orixinal ollada á figura e obra deste artista universal, interpretado por grandes nomes da banda deseñada.

Presentase este xoves 20 de marzo cunha visita guiada a cargo do comisario da exposición, Asier Mensuro, que terá lugar ás 19.00 horas; Tamén estarán Verónica Rego, coordinadora de Relacións Institucionais de Afundación, e Paula Ferreiro, da Sede Afundación de Ferrol.

A visita guiada é de balde, mais é preciso reservar praza (preme neste formulario): nesteformulario

A exposición rende homenaxe ao xenio a través dun orixinal percorrido por máis de 170 pezas, moitas delas concibidas ex professo para esta exposición. «Picasso protagonista. Viñetas no cómic español contemporáneo» propón unha reflexión a través do cómic coa que afondar no mito de Picasso e entender como se integra no imaxinario colectivo da cultura española do noso tempo. Con tal propósito, está representado o traballo de 40 recoñecidas autorías galegas e españolas, en cuxas viñetas e creacións en moi diversos soportes percíbese a pegada do gran Picasso.

Convivindo coas clásicas bandas deseñadas en papel, preséntanse cómics en lenzo, obras en gran formato, cómics despregados no espazo, instalacións específicas ou xogos de mesa experimentais.