Galicia Ártabra Digital Noticias de Ferrol y la comarca de Ferrolterra.
A Biblioteca abre este martes 26 o prazo de inscrición no espectáculo “Un rapaz de aldea”, unha proposta de narración oral dirixida a público infantil e familiar.
A concelleira responsable da área indicou que para poder asistir é preciso que os menores teñan os catro anos cumpridos e reservar praza, a partir das 16:00 horas, de xeito presencial na Biblioteca ou chamando por teléfono ao número 981 382 173.
O espectáculo dará comezo ás 11:00 horas e correrá a cargo de Caxoto. Os participantes desfrutarán dun percorrido pola súa propia infancia na aldea dos anos 90, na que Caxoto mestura as súas lembranzas coas de Balbino, o protagonista da obra de Xosé Neira Vilas, nunha viaxe pola vida dos nenos e nenas de aldea de onte e de hoxe.
Trátase dunha proposta inesquecible para descubrir, rir e aprender sobre a Galicia rural a través da narración oral.
