Narón insta á Xunta asumir os incrementos do convenio que repercute ós concellos do Plan de Transporte Metropolitano

A concelleira de Transportes, Mar Gómez, denuncia públicamente o gran incremento que a Xunta de Galicia aplica ao Concello de Narón para facer fronte ao servizo de transporte metropolitano.

A edil criticou que “a estas alturas do ano reclaman a Narón 50.000 euros máis que no anterior exercicio, pasando a pagar no noso caso 97.000 euros das arcas municipais”. Gómez incidiu en que “a Xunta non pode seguir abusando dos concellos, vendendo unha gratuidade e unhas bonificacións nuns servizos, como neste caso o do transporte metropolitano, que sufragan en realidade afogando aínda máis ás administracións locais e facendo que ao final sexan os mesmos usuarios e usuarias os que paguen a través das arcas municipais”.

A concelleira recalcou que “este é tan só un exemplo máis da xestión que fai a Xunta de Galicia dos recursos públicos e, máis aínda, cos veciños de Narón, que tamén teñen que pagar a través do concello a xestión das escolas infantís municipais que noutros concellos abonan e, por se fose pouco, ver como ano tras ano os orzamentos da Xunta deixan sen investimentos a Narón”.

A concelleira recalcou que “o que ten que facer a Xunta é velar polo cumprimento dos contratos do servizo de transporte, para que as 39 familias afectadas, traballadores de Tranvías de Ferrol subrogados por Alsa, poidan cobrar o que marca o convenio provincial do sector e acabar así cunha folga iniciada o pasado mes de xullo e deixar de mirar cara a outro lado”.

A edil de Transporte recalcou que “o que fai a Xunta, á vista está, non é xestión, senón abuso e discriminación, algo ao que teñen moi acostumados aos naroneses que saben perfectamente que o compromiso da Xunta do PP coa cidade é nulo ano tras ano”. “Só miran para as cidades nas que gobernan, e temos exemplos moi preto, como Ferrol, onde irán a parar 110 millóns de euros fronte aos 0 de Narón nos orzamentos do vindeiro ano”, denunciou.

Lea también

Club Arco Narón inicia las clases al aire libre

Como viene siendo habitual, el mes de abril indica el comienzo de las clases de …