Curso en Narón preparatorio Comdix-iniciación: empezamos ata tecnoloxías dixitais

As inscricións deben realizarse a través da plataforma Cemit, tal e como recordou o concelleiro de Novas Tecnoloxías, Román Romero.

O edil de Novas Tecnoloxías, Román Romero, anunciou a apertura do prazo de inscrición en dous novos cursos a realizar na Aula Cemit de Xuvia, preparatorio Comdix-Iniciación: empezamos ata as tecnoloxías dixitais. Un dos cursos impartirase en quenda de mañá, de 9:30 a 13:30 e outro pola tarde, de 16:00 a 20:00 horas, tal e como indicou o edil.

Ofértanse doce prazas para cada un deles e o contido dos mesmos coincide co itinerario formativo do programa de autoformación de Amtega, impartindo máis horas das indicadas no itinerario, para que o alumnado participante poida acudir ás probas de certificación que se convoquen, coa máxima preparación, e obter un resultado positivo.

O itinerario completo para obter o certificado galego de competencias dixitais (nivel iniciación) son sete cursos, polo que o Concello impartirá os catro primeiros para deixar programados a principios de 2025 os outros tres cursos preparatorios.

Os cursos preparatorios Comdix-iniciación: empezamos ata tecnoloxías dixitais impartiranse do 4 de novembro ao 20 de decembro e teñen un total de 136 horas cada un deles.

As persoas interesadas en realizar esta formación deben anotarse a través da plataforma Cemit : https://cemit.xunta.gal/es/formacion/formacion-presencial?search=naron.