Apertura do prazo para participar nunha Andaina por Fene

O roteiro, de aproximadamente 6,5 kilómetros de lonxitude e hora e media de duración, comezará no CMI Unidade de Fene e terá como principais puntos de interese no percorrido: o parque do pallaso, o Camiño Inglés, a escola de Fonte do Campo, a Casa da Cultura, a igrexa de Fene, os murais do Perla Mural Fest 2023 e 2024, o parque liñal do río Cádavo, Santa Ana e Concello ou Xulgado. 

Pódese consultar o itinerario completo no seguinte enlace https://maps.app.goo.gl/vWFC3FuA3xeLm4Gw6?g_st=aw.

As prazas son limitadas, 50 por aindaina, e segundo informan desde a concellería de Deportes, non poderán participar máis persoas das inscritas.

As persoas interesadas en inscribirse na andaina por Fene do vindeiro 5 de outubro poderán facelo a partir deste luns 23 de setembro no Departamento de Deportes (avda Naturais, 44, entrechán dta., Fene, ou no 981 340 366) en horario de luns a venres, de 9.00 a 14.00 horas.

Estas rutas encádrase no programa “Andainas por Fene”; roteiros organizados en colaboración coas sociedades parroquias e Eroski- cos que o Concello quere dar a coñecer á veciñanza a riqueza paisaxística e patrimonial do conxunto do territorio local mentres se goza dunha actividade saudábel ao aire libre.

Para o día da marcha, desde o departamento de Deportes recomendan ás persoas inscritas levar calzado e roupa cómoda.