Galicia Ártabra Digital Noticias de Ferrol y la comarca de Ferrolterra.
A rapazada das Somozas está a gozar do campamento de verán, unha iniciativa gratuíta para as familias con crianzas de entre 3 a 12 anos.
Esta actividade de conciliación se desenvolve de luns a venres desde o pasado 1 de xullo e ata o 2 de agosto, en horario de 9:30 a 14:00 h. Ademais, a proposta recolle servizo de madrugadores, cun horario de 8:00 a 14:00 horas.
A iniciativa, que conta con 37 nenos apuntados, realízase en diferentes recintos municipais, como no polideportivo, zonas verdes ou na piscina. Así, a proposta enmarca actividades que van desde arte creativa, deporte, xogos, aventura e ata unha excursión ao Aquapark de Cerceda.
“Con esta iniciativa, financiada polo Concello, apostamos polo servizo de conciliación familiar nesta temporada estival. Ademais, ofrecemos unha alternativa de ocio saudable ao aire libre, que fomenta a integración e a educación en valores nun período vacacional”, apunta o alcalde, Juan Alonso Tembrás.
