Galicia Ártabra Digital Noticias de Ferrol y la comarca de Ferrolterra.
O Concello de Pontedeume sacou a licitación unha nova fase da renovación de tubaxes na rede xeral de abastecemento de auga potable ao seu paso por Nogueirosa.
O investimento é de case 100.000 euros e o prazo para a presentación de ofertas por parte das empresas interesadas en realizar os traballos remata o 11 de xullo.
“A actuación consiste na substitución da tubería de fibrocemento de 250 milímetros de diámetro por unha tubería de fundición cun diámetro de 350 milímetros”, explica Daniel Ríos, concelleiro de Urbanismo.
O Concello de Pontedeume leva investidos desde 2015 na renovación e mellora da rede de abastecemento de auga preto de dous millóns de euros a través de recursos propios e fondos da Diputación da Coruña.
