Galicia Ártabra Digital Noticias de Ferrol y la comarca de Ferrolterra.
A praza da Gándara acolle este sábado 22 un ensaio didáctico da Banda Infantil Sementeira e a Xove Banda de Narón.
A actividade, que dará comezo ás 12:00 horas, enmárcase nunha iniciativa encamiñada a sacar as bandas á rúa, descentralizando as propostas culturais na cidade e achegándoas ós veciños.
A Asociación Cultural Musical Sementeira de Narón está formada por unha Escola de Música e tres agrupacións musicais: a Xove Banda de Narón, a Banda Infantil Sementeira e A Banda do Garaxe, integradas todas elas por mozos de Narón e doutros concellos da comarca.
Dende o Concello naronés convidan á cidadanía a acudir a ver aos integrantes de ambas formacións musicais, acompañándoos no seu ensaio e desfrutando coa súa música.
