Pontedeume acondiciona os accesos peonís a Breamo

O Concello de Pontedeume acondicionou e puxo a punto o acceso peonil a Breamo, cunha obra feita grazas a unha subvención con fondos europeos acadados polo grupo de goberno local.

“Realizáronse obras de mellora coa instalación dunha nova pasarela e dunha escaleira para mellorar a seguridade e a accesibilidade da zona, ademais das habituais tarefas de limpeza e desbroce”, explica o alcalde, Bernardo Fernández.

O remate dos traballos coincide coa celebración da romaría de San Miguel de Breamo o próximo mércores 8 de maio. Ademais, os alumnos do obradoiro de emprego ArtabroEmprende 4 realizaron actuacións de mantemento nas últimas semanas no roteiro peonil e na área recreativa de Breamo de cara á celebración da romaría.

Por estrada, o acceso á romaría realizarase como en anos anteriores de xeito que poidan circular dous vehículos subindo e baixando simultaneamente, e garantindo o acceso de vehículos de emerxencia en caso de necesidade.

Estará habilitado un espazo de estacionamento na beira esquerda ao final da estrada en sentido de subida

Lea también

Valdoviño acoge su II Mercado Ecológico

Con el cielo cubierto y amenaza de lluvia daba comienzo este sábado en la Puerta …