Concello de Narón e AGA Ferrolterra organizan charlas sobre a avespa asiática

A delegación en Ferrolterra da Asociación Galega de Apicultura (AGA) e o Concello de Narón organizan unhas charlas dirixidas á veciñanza sobre a campaña “Stop avespa asiática”.

Así o anunciou o concelleiro de Medio Ambiente, Manuel Ramos, que avanzou que unha das convocatorias terá lugar este sábado 20, no local social da AVV Os Irmandiños, na parroquia do Val, ás 11:30 horas.

A vindeira sesión terá lugar o mércores da vindeira semana, día 24, no local social da Sociedade Cultural Deportiva A Pombiña, en Pedroso, ás 19:30 horas.

As convocatorias, baixo o lema “Raíña cazada, niño evitado”, complementan ás sesións que se levan a cabo nos centros de ensino da cidade para explicar a importancia de colocar trampas cerca das vivendas para capturar ás raíñas e evitar a proliferación desta especie invasora.

Así mesmo, profesionais de AGA explicarán cal é o mellor método para capturalas e como realizar unha trampa e un atraínte para as avespas asiáticas.