Galicia Ártabra Noticias de Ferrol y la comarca de Ferrolterra.
A escritora naronesa María Isabel Ramos Breijo presenta este mércores 18 na Biblioteca o seu libro “El secreto de Andrea”, nun acto que dará comezo ás 18.30 horas na sala multiusos da planta soto das citadas instalacións, tal e como indicou a concelleira de Bibliotecas, Olga Ameneiro.
O acto é aberto á participación do público en xeral ata completar o aforo dispoñible da sala. O xornalista Xosé Gómez Fandiño acompañará á autora no acto de presentación. O grupo Círculo Rojo edita esta publicación, protagonizada por unha muller, Paula, que vai vivir a unha aldea galega para coidar á súa avoa, deixando o seu traballo como organizadora de eventos.
O regreso á aldea de Andrea, unha veciña, fará que regresen ao lugar os segredos e as rencillas a través dunha serie de acontecementos que farán que saian á luz unha serie de segredos e que Paula descubra que a aldea non é o lugar tan apacible que ela pensaba.
“El secreto de Andrea” é o segundo libro de María Isabel Ramos, que o pasado ano presentou “Hasta el infinito y más allá”, a súa primeira publicación.
As persoas que o desexen poderán adquirir ese mesmo día a nova obra da autora naronesa.
