Aberto en Narón o prazo de inscrición nos cursos da plataforma Cemit

 

O concelleiro de Novas Tecnoloxías, Román Romero, informou da apertura do prazo de dous cursos da plataforma Cemit, que se desenvolverán na Aula Cemit de Xuvia.

 

“Aplicacións informáticas LibreOffice Writer e Calc” e “Deseño gráfico con Canva” son as dúas accións que se impartirán entre os meses de outubro e novembro deste ano e para as que se ofertan doce prazas para cada unha, tal e como indicou.

 

“Aplicacións informáticas LibreOffice Writer e Calc” é un curso de 100 horas no que o alumnado recibirá formación sobre ferramentas ofimáticas dos diversos paquetes: Writer, Calc, Base, Impress.. entre outras. As clases terán lugar en horario de mañá, de 9.30 a 13.30 dende o 25 deste mes ata o 30 de novembro.

 

As persoas interesadas en asistir deben anotarse a través do enlace: https://cemit.xunta.gal/es/formacion/formacion-presencial/43002.

 

Na acción de “Deseño gráfico con Canva”, de 40 horas, os contidos a abordar son: edición de fotos con Canva, creación dun libro virtual, dun deseño con formato personalizado, de infografías, de menú para restaurante/cafetería, de cabeceira para YouTube, de miniatura ou Thumbanail para vídeos de YouTube, dun póster e tamén de publicacións para redes sociais e tarxetas profesionais. Neste caso o curso impartirase entre as 16.00 e as 20.00 horas dende o 25 de outubro ata o 8 de novembro.

 

As inscricións realízanse a través do enlace: https://cemit.xunta.gal/es/formacion/formacion-presencial/43000