Ponse en marcha en Fene o programa de envellecemento activo e participación social

O concello de Fene dende a concellaría de Benestar social presenta o programa de Envellecemento Activo, no que se enmarca “SERÁNS ACTIVOS”.

Os obradoiros de “Espazo memoria” e “Lembranzas: o banco da memoria” desenvólvense de forma itinerante polas diferentes parroquias do concello a través das entidades veciñais e culturais, as entidades colaboran facilitando os locais da cordo coa súa dispoñibilidade horaria.

O obradoiro de “Recuperación da memoria” realízase no centro Sociocomunitario de Fene.

Cada persoa poderá escoller libremente o obradoiro ao que acudir independentemente na parroquia na que viva. Todos os talleres ofértanse cunha periodicidade semanal cunha duración de 2h. a partir do 9 de outubro de 2023 ata 22 de xuño de 2024.

Requisitos:
Ter cumpridos os 55 anos.
Cubrir ficha de inscrición antes do inicio da actividade.

Os obradoiros que se ofertan son os que se indican :

ESPAZO DE MEMORIA
É un lugar de encontro pensado para aquelas persoas con esquecementos cotiás (onde están as chaves, cómo era o nome de…). Realízanse actividades para manter activa a mente e mellorar a memoria, a atención, a concentración, linguaxe etc. utilizando dinámicas grupais e de ocio.

LEMBRANZAS: O BANCO DA MEMORIA 
Este obradoiro centrase en traballar diferentes procesos mentais desde unha perspectiva experiencial, dinámica, aportando vivencias e coñecementos. Ten como finalidade manter e recuperar a memoria histórica, costumes….. o que permite preservar a historia dunha comunidade fomentando as relacións interxeracionais e visibilizando as persoas maiores.

OBRADOIROS DE RECUPERACIÓN DE MEMORIA
A súa finalidade é atrasar o inicio dunha demencia ou mantela estable sen empeoramento. Realízanse actividades en grupo encamiñadas a mellorar a memoria, a linguaxe, a orientación, a atención, etc. Realizase unha avaliación previa para adaptar as actividades.

Actividades están abertas a poboación a partir dos 55 anos.
A actividade ten carácter gratuíto.

                                                                    RECUPERACIÓN DA MEMORIA

Está aberto o prazo de matrícula ata que se cubran as prazas ofertadas, por orde de inscrición.(15 prazas por grupo). Entregarase cuberta a folla de inscrición no centro municipal de Servizos sociais ou na caixa de correo servizos.sociais@fene.gal

Para máis información podese acudir ó Centro Municipal de Servicios Sociais. Avda.do Mar, Bloque 1, Baixo – San Valentín Teléfonos: 981.492.706 / 981 342607 Caixa electrónica: servizos.sociais@fene.gal