Galicia Ártabra Digital Noticias de Ferrol y la comarca de Ferrolterra.
EN NEDA
O Concello de Neda adiará ata o domingo a conmemoración do Día das Letras Galegas. No marco do programa “En maio, flores e letras” programarase o novo espectáculo para o público infantil de Fantoches Baj, baseado na obra Galicia do autor homenaxeado. “A viaxe feliz de Ramón Sanfiz” é o título desta proposta, que chegará á Casa da Cultura, o día 21 ás 12 horas, e que combina narración oral e monicreques.
Esta produción de novo cuño de Fantoches Baj está baseada en Galicia, o libro de crónica de viaxes de Francisco Fernández del Riego no que o autor trazou unha ducia de itinerarios singulares percorridos polo seu alter ego: Ramón Sanfiz.
As entradas poden reservarse, contactando coa Biblioteca Municipal -ata o venres de 9 a 13 e de 16 a 19 horas- a través do teléfono 981 39 02 33.
EN ARES
Luns 22, ás 18.00 horas representarase o espectáculo de monicreques «A Viaxe Feliz de Ramón Sanfiz», a cargo da compañía Fantoches Baj, na Biblioteca Municipal. Está actividade esta dirixida a adultos e nenos a partir dos 6 anos.
EN CABANAS
Sábado 20, a las 12.00 horas noParque do Areal, a compañía Fantoches Baj ofrecerá o espectáculo de monicreques A viaxe feliz de Ramón Sanfiz.
NO BARQUEIRO-MAÑON
Venres 19, ás 19.00 horas levará a cabo na Biblioteca Municipal a presentación do libro de poemas Enfiando sementimentos, da autora Carmen Penín Fernández.
EN CARIÑO
O Concello de Cariño elaborou unha completa programación para conmemorar o Día das Letras Galegas 2023, adicado a Francisco Fernández del Riego.
Luns, 29 de maio: ‘A igualdade non ten truco’, con Magia en la Manga. Ás 16 horas no IES.
Mércores, 7 de xuño: ‘Feirantes’, de Teatro do Noroeste. Ás 17 horas, dentro dos obradoiros de Envellecemento Activo.
