V Festival Internacional de Coros de Narón

A Sociedade Cultural Areosa, en colaboración co Padroado da Cultura do Concello de Narón, organiza o vindeiro sábado día 15 o V Festival Internacional de coros de Narón.

O encontro desenvolverase a partir das 18 horas no Auditorio Municipal de Narón (praza de Galicia) e contará coa participación das seguintes agrupacións: Lagun Artea Abesbatza de Sopelana (Euskadi), Coral de Torreblanca, León. Agrupación Musical Lucero del Alba de Neda e a Coral Areosa de Narón.

A entrada é de balde.