Corte do subministro eléctrico en rúas do polígono de Río do Pozo o mércores 29.

O Grupo Naturgy comunicou ao Concello de Narón que este mércores, día 29 de marzo, deixará fóra de servizo de 9.00 a 12.00 horas unha serie de instalacións, o que podería provocar interrupcións no subministro eléctrico nas rúas Afiadores e Toneleiros, no polígono de Río do Pozo.

A necesidade de realizar traballos de mantemento e desenvolvemento da rede eléctrica “precisos para poder atender nas mellores condicións as necesidades de subministro da zona”, leva á empresa a realizar ese corte no subministro. Dende a compañía solicitaron desculpas polas posibles molestias que poida ocasionar esta medida.