Galicia Ártabra Digital Noticias de Ferrol y la comarca de Ferrolterra.
A sala multiusos da Biblioteca municipal de Narón, acolle este venres, día 3 de marzo, a presentación do libro “Árbores con historia, 101 historias de árboles”, do escritor Tomás Casal.
A cita, tal e como avanzou a edil de Bibliotecas, Mercedes Taibo, será ás 19.00 horas e no transcurso da mesma o autor dará a coñecer a súa nova obra, unha colección de 101 pezas narrativas que vinculan unha serie de árbores coa historia da propia humanidade.
A entrada é libre ata completar a capacidade da sala.
Na nova publicación o autor realiza un percorrido dende a Grecia clásica ata a actualidade, parándose en épocas como a conquista de América, a Francia revolucionaria ou a construcción da actual Europa. No libro atoparemos árbores de todo o mundo, algunhas delas en Galicia e tamén en Narón.
A editorial Aliar Ediciones publica este libro, o segundo en solitario de Casal, que anteriormente publicou “Notas históricas sobre Valdoviño (1836-1936)” e é coautor de publicacións como “Narón en verde, árbores”, “A magnolia de Santa Rita e a cultura verde en Narón” e “La fábrica de Jubia y sus alrededores”
Tomás Casal é tamén membro fundador da Asociación Galega da Camelia, onde foi editor da revista “Camelicultura” e colaborou en varias revistas de ámbito local e nacional
