O PSdeG-PSOE de Narón pon un autobús para acudir á manifestación en defensa da sanidade pública en Santiago

O PSdeG-PSOE de Narón leva tempo traballando coa Plataforma SOS Sanidade, en procura da mellora da Sanidade Pública, recollendo sinaturas a favor da Iniciativa Lexislativa Popular para recuperar e fortalecer a atención primaria, acudindo ás concentracións convocadas, etc.

E, por suposto, o este domingo 12 de febreiro acudirá á manifestación en defensa da sanidade pública que vai ter lugar en Santiago.

A Comisión Executiva Municipal do PSdeG-PSOE de Narón para facilitar a asistencia de aquelas persoas que desexen acudir á manifestación, decidiu contratar un autobús, que saíra este domingo ás 10 horas da mañá de diante da sede do PSdeG-PSOE de Narón (Estrada de Castela 278) e retornará ás 17 horas, chegando ás 18 horas a Narón.

Aquelas persoas que desexen asistir á manifestación poderán anotarse enviando un whatsApp a 698 153 936 ou escribindo un correo electrónico a
naron.c@agrupaciones.psoe.es.