O Pazo da Cultura de Narón acolle a proxección da película “Distrito 9”

A última das tres proxeccións do ciclo de cine “Ciencia ficción para axitar conciencias” organizado polo Concello de Narón e o Cineclube Serie B terá lugar este mércores, día 19 de outubro, no Pazo da Cultura.

As persoas que o desexen poderán ver, ás 20.00 horas, o filme “Distrito 9”, de Neill Blomkamp (2009), no que se abordan temas como o racismo, a segregación e os prexuízos raciais, a manipulación mediática e o poder das grandes corporacións.

O ciclo de cine “Ciencia ficción para axitar conciencias» iniciouse o pasado 28 de setembro, coa proxección de “Hijos de los hombres”, de Alfonso Cuarón (2006). A inmigración, a manipulación informativa e o terrorismo son os temas que se abordan nesta película.

As sesións continuaron o pasado 5 de outubro con “Farenheit 451”, de François Truffaut (1966), unha adaptación da distopía de Ray Bradbury na que se reflexiona sobre o totalitarismo, a censura e a liberdade de pensamento.