Galicia Ártabra Digital Noticias de Ferrol y la comarca de Ferrolterra.
O Pazo da Cultura de Narón retoma a súa programación este domingo, día 25 de setembro, cunha proposta dirixida a público familiar.
A obra “Catro”, de Caramuxo Teatro e protagonizada por Laura Sarasola, poderá verse no Café Teatro do Pazo a partir das 18.00 horas
As persoas interesadas en asistir poden adquirir as entradas na web do Padroado da Cultura, www.padroadodecultura.es ou no despacho de billetes do Pazo, a un prezo de 9,50 euros para o público xeral; de 6,65 para abonados, desempregados e persoas con carné xove ou de estudante (ata 25 anos) e de 5,50 para menores de 12 anos.
A peza “Catro” é a nova proposta da compañía Caramuxo Teatro, unha obra visual na que as formas, as texturas, o son e o movemento están moi presentes durante o tempo da representación.
