Galicia Ártabra Digital Noticias de Ferrol y la comarca de Ferrolterra.
O Concello de Neda vén de adxudicar o contrato de conservación, mantemento e mellora das zonas verdes e arborado da localidade á empresa Vázquez Garzón por un importe de 35.332 euros, concluíndo así o concurso aberto para a licitación do servizo. Un contrato por un ano prorrogable por 2 máis.
En materia de xardinería, o contrato contempla labores de conservación e mantemento, repoboación e podas. No de conservación e mantemento, a sega de
céspedes, sementeira e resementeira de xardíns, recorte de bordes, de sebes e
arbustos, abonados, entrecavado, rastrillados, limpeza, tratamentos fitosanitarios,
mantemento e reposición de titores, protectores e suxeición de árboles,
conservación de xardineiras, traballos de reposición ou podas, entre outras. Así
mesmo, e respecto á sega, de marzo a outubro, incluídos, establécese unha sega
cada tres semanas e, o resto do ano, unha entre 30 e 45 días. Ademais, en
determinadas zonas que presentan áreas naturais ou naturalizadas, e con
vexetación espontánea, os traballos serán substituídos por labores de desbroce de
dita vexetación, a realizar cada 2 meses.
