Galicia Ártabra Digital Noticias de Ferrol y la comarca de Ferrolterra.
O BNG de Narón estivo este xoves á mañá desde as 11.00 horas na praza da Gándara nun acto aberto con colectivos de mulleres desde o ámbito do deporte, pasando pola administración, sanidade ou representantes institucionais para poñer as políticas de igualdade na primeira liña do debate.
“Esta presentación máis que un mítin é un coloquio participativo no que queremos que todas as presentes nos conten as súas propias experiencias no ámbito laboral e social,xa que seguramente nalgún momento da súa vida sufriron a precariedade que
seguimos a vivir a día de hoxe as mulleres, con contratos precarios, baixos soldos, ou
incluso algún tipo de violencia social, económica, psicolóxica, ...” declarou Marta
Grandal, responsábel local do BNG de Narón.
Quere o Bloque desta maneira deixar claro que para a súa organización as eleccións
galegas son unha oportunidade neste sentido “Teñen que valer para traducirse en
transformacións reais, en máis igualdade e máis dereitos. Comprometémonos a
elaborar unha nova Lei de Igualdade que fomente a corresponsabilidade e despregue unha rede de servizos públicos forte que garanta a conciliación real” indica Xiana González, candidata nº 19 do BNG e coñecida na comarca por ser unha referente en Galegas 8M e o movemento LGBT.
Entre as propostas do BNG está a histórica reclamación de investir o 1% dos
orzamentos da Xunta na loita contra a violencia machista, promover medidas
encamiñadas a unha maior integración da muller no mundo do traballo, promover a
Lei galega de identidade de xénero e a recuperación dos centros quérote + con
recursos humanos e económicos suficientes.
Indican afrontar con moita ilusión o 12 de xullo “temos a mellor candidata e a
oportunidade histórica de poñer unha muller feminista e nacionalista na presidencia
pero que non está soa, se non arroupada por unha organización feminista como o BNG.
Na nosa localidade somos un exemplo niso cunha voceira municipal muller ou cun
consello local con maioría de mulleres” declara Marta Grandal, responsábel local do
BNG de Narón.
