Galicia Ártabra Digital Noticias de Ferrol y la comarca de Ferrolterra.
O concelleiro de Deportes de Valdoviño, Sergio Saavedra, informou na mañá deste martes de que o Concello sumará á súa oferta deportiva de verán, OcioSol, dúas novas actividades: ioga e bailes latinos. Así, as persoas interesadas en anotarse poden facelo xa a través do correo electrónico deportes@concellodevaldovino.com ou na casa consistorial -a ficha pode descargarse da web municipal:
http://www.concellodevaldovino.com/?q=gl/node/4194-.
Bailes latinos celebrarase os xoves de 21,30 a 23,30 horas no pavillón do CPI
Atios e a actividade está dirixida a persoas adultas, cun custe mensual de 8,86 euros.
No caso de ioga, haberá dous grupos: un de mañá os luns e mércores de 10,30 a 12 horas e un de tarde, os mesmos días pero de 20,45 a 22,15 horas.
Neste caso, a actividade desenvolverase ao aire libre, alternando A Frouxeira coa
praza da Casa da Cultura, e o custe é de 20 euros ao mes.
Así mesmo, Sergio Saavedra apuntou que aínda quedan prazas libres no resto de
actividades da programación, polo que a inscrición continuará aberta: para nenas
e nenos tenis, atletismo, xogos deportivos e tiro con arco e, para persoas adultas,
ximnasia de mantenemento e tiro con arco.
