Galicia Ártabra Digital Noticias de Ferrol y la comarca de Ferrolterra.
Anxo Lorenzo, recentemente premiado na Coruña como mellor artista nos premios Opinión da música de raíz pechará a xira internacional ‘Vortex’ deste ano no Pazo da Cultura de Narón, arroupado pola súa banda Folk. A mesma que subíu ao escenario de Ortigueira nesta última edición do Festival Celta. A cita será este sábado as 20:00 horas.
O gaiteiro de Moaña tamén fará un percorrido polos anteriores traballos discográficos interpretando temas de Spiritu (986) (BMG), Tirán e Confuxon (Zouma).
O internacionalmente coñecido Anxo Lorenzo preséntanos o seu novo CD chamado Vórtex. O álbum «cociñado» lentamente en Galicia, Irlanda e Escocia ten colaboracións especiais con músicos famosos do mundo do folk e continúa pola ruta acústica experimental, como nos álbums anteriores, Tirán e Confuxon.
Novas composicións e sorprendentes arranxos onde Anxo, unha vez máis, leva as gaitas galegas e asubíos ao límite co seu particular estilo libre en busca de novos sons, ritmos e fusións xunto co fantástico violinista irlandés Eoghan Neff.
Vórtex é o cuarto álbum de estudo de Anxo Lorenzo. No seu novo espectáculo, Anxo Lorenzo incluirá algunhas sorpresas e colaboracións do seu álbum Vórtex, creando momentos musicais marabillosos, máxicos e únicos xunto coa súa banda
