Galicia Ártabra Noticias de Ferrol y la comarca de Ferrolterra.
A concelleira de Emprego, María Teresa Deus, acudiu hoxe á inauguración e presentación do Programa Formativo Básico (PFB) – Accións Formativas para Desempregados (AFD), impulsado polas consellerías de Educación e Economía en colaboración co Concello de Ferrol desde 2001 e máis recentemente tamén co Concello de Neda.
Na mañá de hoxe firmáronse os convenios coas cinco empresas -Alcampo, Distribuciones Froiz, Gestión Plus, Limbes e Rilo- que participan no programa ofrecendo prácticas aos 75 alumnos que integran o curso. Trátase de o único programa destas características en toda Galicia, e este ano impartiranse nos institutos Fernando Esquio de Neda, Canido, Ferrol Vello e Catabois. Este último ofrece dúas edicións.
O curso durará nove meses, os tres primeiros para formación e desde xaneiro ata xuño realizaranse as prácticas. O Concello de Ferrol leva participando con esta acción formativa e empregadora dende o ano 2001, entre outras cosas, realizando as entrevistas de selección, cedendo instalacións municipais e incorporando aos alumnos en actividades culturais. Ao finalizar o curso, os alumnos obterán o Certificado de Profesionalidade Nivel 1.
Deus quixo felicitar aos alumnos, “acertastes”, díxolles, e recordou que o programa “foi sempre un modelo para toda Galicia”. Animoulles a non abandonar a formación e insistiu en que cursos como este “son un orgullo para Ferrol”.
Un 33% de inserción laboral
Desde a posta en marcha do programa, máis de 1.000 alumnos aprenderon un oficio, máis de 300 empresas participaron na iniciativa e alcanzouse un 33% de inserción laboral do total do alumnado, un dato que dende a organización valoran como “moi positivo”.
