Ferrol en Común visitou o CIT da UDC

Hoxe, xoves, Ferrol en Común, co seu candidato a reelección a alcaldía, Jorge Suárez, visitaron unha das xoias da coroa do campus universitario da UDC no campus universitario de Ferrol. Nos seus cinco laboratorios investíganse aspectos de mecánica de fluídos, polímeros, aplicacións industriais do láser, química e combustibles.

«Foi abraiante descubrir as posibilidades que agochan os polímeros, ver un túnel de auga no que se proba a resistencia e estabilidade dos buques, a fin de desarrollar mecanismos que axuden a prever sinistros marítimos, e a infinidade de aplicacións do láser. Sobre todo, coñecer ao persoal: enxeñeiras, profesores, investigadores e doctorandos que desde o campus de Ferrol, aman a súas profesións, loitan contra recortes, a minoración de recursos e procuran, co seu traballo, facernos avanzar como sociedade e mellorar as nosas vidas«, afirman dende Ferrol en Común.