O BNG advirte a Ferrol en Común que este xoves ten que escoller entre a proposta para o comercio do BNG ou a do PP

O Bloque Nacionalista Galego de Ferrol advertiu ao goberno de Ferrol en Común que «este xoves terá que definirse e escoller novamente entre as dúas alternativas existentes na cidade, ou apoiar as medidas de reactivación comercial propostas polo BNG e a alternativa do Partido Popular que ten como obxecto beneficiar as grandes empresas e aos grandes propietarios».

O BNG indica que «polo tanto Ferrol en Común terá que escoller entre estas dúas propostas que son contrarias e incompatibles, a que lle propón o BNG e a alternativa do Partido Popular que se fundamenta en tres requisitos: aumentar os beneficios fiscais as grandes empresas, que son aquelas que estan obrigadas a pagar o IAE (imposto que estan obrigadas a pagar só as empresas que factures máis de 1 miilón de euros) , en segundo lugar propoñen unha rebaixa xenérica no imposto de bens inmobles, sen ter en conta se estes locais contan ou non con actividade ou si son obxecto de intereses especulátivos, e unha terceira idea que ten que ver coa oposición irracional do PP, como se vivisen no século XIX, ao urbanismo contemporáneo que ten como obxectivo acadar a peonalización dos centros históricos de cara a acadar a súa revitalizació social e económica«.

«Diante destas propostas, Ferrol en Común ten a opción desenvolvida polo BNG que se basea en bonificar a actividade dos locais comeciais e polo tanto todas aquelas persoas que teñan interese en poñer os seus locais a disposición dos emprendedores deben ser obxecto destas bonificacións igual que aquelas que xa o fan. En segundo lugar promover o emprendemento a través dunha bolsa de baixos baleiros que facilite a incorporacon de novas persoas aos centros da cidade e a terceira idea que ten que ver con incrementar o imposto de bens inmobles de maneira discrecional, medida dirixida fundamentalmente a penalizar os intereses especulativos».