A nova executiva do PSOE de Ferrol empeza a súa andaina

O Partido Socialista de Ferrol estreou na tarde de onte, xoves, a súa nova Executiva integrada por un equipo de persoas, con igual presenza de mulleres que de homes, preparadas, con aportación de experiencia, renovación, capacidade de traballo e perfecto coñecemento da nosa cidade, entregado a tarefa de aportar un modelo socialista e próspero para a cidade.

Entre os puntos da primeira reunión atopábase a creación de diferentes grupos de traballo, que de forma inmediata comezará a súa actividade co obxectivo de dar solucións para a cidade e para a vida da veciñanza. Neste traballo a Executiva conta con toda a militancia, simpatizantes e persoas dispostas a aportar polo ben colectivo de Ferrol.

Por último, a Executiva fai unha chamada á responsabilidade e á colaboración de todas e todos as compañeiras e compañeiros a fin de que o Partido Socialista cumpra a súa función, que é velar por un modelo de cidade mellor cohesionada, social e con proxectos de futuro para o emprego e a dinamización demográfica entre outras cuestións.

Finalmente, a Executiva agradece as mostras da apoio amosadas por moi diversos colectivos sociais e comprometen estar a altura das necesidades de Ferrol.