Galicia Ártabra Digital Noticias de Ferrol y la comarca de Ferrolterra.
Por enfermidade dunha das integrantes, e que foi comunicada a Concellería de Cultura do Concello de Ferrol a última hora desta mañá, vense na obriga de ter que adiar o concerto da Banda da Loba, que estaba previsto celebrarse este venres 26 as 21:00 horas na capela do CTB.
Dende o Concello de Ferrol lamentan moito ter que comunicalo con esta premura, particularmente porque era un concerto moi agrdado e para o que estaban vendidas xa prácticamente todas as entradas.
O concelleiro, Suso Basterrechea, indica que se buscará unha nova data no prazo mais breve posible, nas vindeiras semanas, para a celebración do concerto.
As persoas que xa adquiriran a entradas na taquilla virtual ou física poden solicitar a devolución do importe ou canxealas pola nova data da que informaremos o antes posible.
O Concello de Ferrol amosa as súas desculpas e agardan que a cantante mellore e estea en Ferrol en poucos días.
En todo caso, mañá na capela do CTB, na hora prevista do concerto, haberá unha persoa informando dos motivos da cancelación por se o Concello de Ferrol non logra chegar a todas aquelas persoas que xa teñen as súas entradas.
