Villamar pídelle ao portavoz do PP un mínimo de seriedade para falar sobre as contas do Concello

O portavoz do grupo municipal do BNG de Narón, Pablo Villamar, lamentou novamente que o voceiro do PP, Marcos López Balado, realice manifestacións sobre os investimentos e a débeda do Concello sen achegar dato ningún que sosteña as súas afirmacións.

O portavoz nacionalista asegurou que no que respecta aos impostos xa está todo explicado e invitou a Balado a que “forneza datos” que xustifiquen as súas palabras e que, en todo caso, os compare cos concellos da contorna. Sinalou que no que atinxe aos servizos xerais –recollida de lixo, limpeza de rúas ou saneamento- que presta o Concello e, “partindo da premisa de que todo é mellorábel e que niso se está a traballar, a maioría da poboación do concello está razoabelmente satisfeita con eles”.

«No que respecta ao gasto social que o señor Balado di que se elimina, puxo como exemplos o incremento na partida de atención á Dependencia e en programas como o ConciliaEscola, sen esquecer a achega a entidades sociais, a sinatura de novos convenios de colaboración e o incremento na contía dalgúns deles«, Villamar tamén aludiu ao feito de que neste mandato aumentaron as bonificacións.

o estado de execución do orzamento, Villamar lembroulle ao portavoz popular que a media ponderada sitúase no 84% -87% para gasto corrente e 73% para investimento-, unha cifra “razoabelmente boa, e máis se se compara co grao de execución noutros concellos gobernados polo seu partido político”. “Dicir que non se executa o orzamento con estas cifras non é serio”, apuntou Villamar.

Por outra parte, e en relación á débeda do Concello, o voceiro nacionalista convidou a López Balado a botar a vista atrás e analizar cun mínimo de rigor por que hai que destinar unha parte dos remanentes á amortización de débeda. “Se o facemos así é porque existe unha lei derivada dunha reforma constitucional que vostedes pactaron e que nos obriga a facelo así”, incidiu. De todos os xeitos, o portavoz do BNG lembroulle a Balado que cando a formación nacionalista entrou no goberno local, a débeda bancaria rondaba os 12 millóns de euros. “Pois ben”, dixo Villamar, “cando remate o presente ano estará xa por baixo dos dous millóns. Creo que é unha boa noticia, e máis se vai acompañada de decisións, como a do último modificado de crédito, de investimentos por valor de 2,5 millóns de euros”.

Lea también

Narón acolle a III edición do “Trail Costa Ártabra”

O edil de Deportes, Ibán Santalla, e o presidente da Asociación Deportiva Cultural Bombeiros de …

Un comentario

  1. Poco autoridad tiene el Sr. Villamar para hablar de cuentas cuando al Concello de Narón le «sobraron» 3 millones de euros en 2015 y más de 1,5 millones en 2016. Una de dos: o lo hacen a propósito para pagar las deudas bancarias que tiene el Concello (de más de 6 millones de euros aún) o no saben gestionar y, con la de necesidades que hay (en lo social, en baches, en iluminación, en limpieza) les queda el dinero sin gastar por desidia y mala planificación. Por cierto… ¿qué hay de los presupuestos de 2018? ¿Tocarán en junio por vía de urgencia, como pasó con los de 2017?