O pasado sábado 15 de febreiro abriu ao público a oficina de turismo do xeodestino Ferrolterrra-Rías Altas, dende a cal se facilitará información dos concellos de Ares, Cabanas, A Capela, Cariño, Cedeira, Cerdido, Fene, Ferrol, Mañón, Moeche,Monfero, Mugardos, Narón, Neda, Ortigueira, Pontedeume, As Pontes de García Rodríguez, San Sadurniño, As Somozas, Valdoviño e Vilarmaior, e se procurará a coordinación cos puntos de información turística existentes nestes concellos.
O funcionamento habitual do servizo será na oficina de turismo de Fene, Avda. Naturais s/n, en horario de martes a domingo de 10:30 a 13:50 e de martes a sábado de 17:00 a 20:30, dende o 15 de xullo ata o 14 de setembro.
A oficina tamén funcionará de maneira itinerante durante eventos puntuais de interese turístico noutros municipios do Xeodestino.
A oficina será atendida por unha técnica superior en información turística contratada pola Mancomunidade mediante unha subvención da Axencia Turismo de Galicia.