Últimos días para anotarse como posto de venda no Mercadillo de Santa Marta

O Concello de Cabanas, a través da Concellería de Turismo, informa de que o prazo para solicitar a participación no Mercadillo de Santa Marta está aberto. A feira celebrarase unha edición máis coincidindo coa Romaría, a festa principal do municipio, entre o xoves 27 e o domingo 30 de xullo.

Para anotarse, as persoas interesadas poden facelo na concellería –pranta baixa da casa consistorial- ou ben enviar un correo electrónico ó enderezo cultura@cabanas.gal. Así mesmo, o impreso de solicitude pode descargarse dende a web municipal www.cabanas.es. O prazo concluirá o 14 de xullo.

O Mercadillo de Santa Marta terá lugar no entorno do paseo do piñeiral da Madalena. Catro días nos que os diferentes postos porán os seus produtos á venda. De todo tipo, dende xoias ata pezas decorativas, pasando por prendas de roupa ou artigos de papelería e xoguetes. O Concello habilita o seguinte teléfono 630 257 436 para ofrecer máis información ás persoas interesadas.