Galicia Ártabra Digital Noticias de Ferrol y la comarca de Ferrolterra.
O Bloque Nacionalista Galego de Ferrol participou e acompañou aos traballadores de Ferrovial no paro desenvolvido ás portas da empresa Navantia. O BNG demanda ao gberno local e a Navantia que resolvan unha situación produto da adxudicación dun contrato que se produciu nunhas condicións nas que si alguén carece de responsabilidade son os traballadores.
A xustificación destes incumprimentos en base á licitación do contrato non ten ningún sentido. A adxudicación deste contrato produciuse a principios do ano 2016 por motivos exclusivamente económicos .
Xa naquel momento desde o BNG denunciaron o que suporía de deterioro nas condicións laborais e que unha empresa pública como Navantia non podía avalar esta precarización constante dos traballos que se desenvolven no estaleiro. Tampouco o goberno local pode permitir que se sigan a desenvolver estas prácticas.
