Galicia Ártabra Digital Noticias de Ferrol y la comarca de Ferrolterra.
O goberno local de Narón colaborará coa Asociación Galega de Lupus, que conmemora mañá, día 10, o Día Mundial do Lupus. Sobre as 21.30 horas –e ata pola mañá– procederase a iluminar cuns filtros de cor malva a fonte da glorieta de Freixeiro, na estrada de Castela, para axudar á entidade a concienciar á cidadanía sobre esta enfermidade.
O lupus é unha doenza autoinmune, crónica e inflamatoria que pode afectar a distintas partes do corpo, xeralmente á pel, pero tamén ás articulacións, aos músculos e aos riles, en determinados casos.
A colaboración do Concello de Narón súmase á doutros municipios galegos que tamén mañá iluminarán algúns espazos e edificios públicos, para así dar maior visibilidade a esta doenza.
