Narón e Ferrol non deben resignarse a pagar o saneamento da ría, según EU Narón

O concelleiro de EU Narón, André Abeledo insiste en denunciar que os concellos de Narón e Ferrol van ter que facer fronte a unha débeda inxusta por mor duns atrasos nas obras do saneamento dos que para nada son responsables, unha carga que vai a afectar gravemente os orzamentos municipais de Narón e Ferrol, e que vai supor que os concellos queden lastrados inxustamente, o que significa que uns cartos que deberían dedicarse a outras necesidades propias das obrigas do Concellos, e especialmente políticas sociais, agora deberan dedicarse a pagar unha obra de interese xeral da que en xustiza ten que facerse cargo o Goberno Central.

André Abeledo fai un chamamento aos alcaldes de Narón e Ferrol a non resignarse a ese aumento no gasto municipal por mor dunha obra que é competencia da Xunta de Galicia e do Goberno Central, é preciso tratar este asunto e poñer en marcha unha campaña de reivindicación institucional, solicitando tamén o apoio aos grupos parlamentarios en Santiago, e chamando a mobilización cidadán, pasando da retórica electoral a acción na defensa dos intereses da veciñanza.

Abeledo denuncia a inxustiza que supón que a cidadanía, as traballadoras e traballadores, teñan que pagar por este atropelo, (aparte de aumentos en impostos varios…).

«Non sirve o maniqueo argumento de que non hai suficientes cartos nos orzamentos do Goberno Central e da Xunta de Galicia, cando sen embargo ambas administracións subvencionan con cantidades millonarias negocios privados sobre infraestruturas públicas, como son a autopista da Atlántico, e outras autopistas na meseta, e inverteron fondos públicos para rescatar aos grandes accionistas dos bancos, e os usaron para asegurar o beneficio dos grupos financeiros especuladores tanto do estado español como doutros países (con modificación da constitución incluída, cando se se subvenciona dende o estado ás eléctricas e se aproban obras públicas de dubidosa utilidade para dar negocio as grandes construtoras …(en Galicia temos tamén o caso do Gaiás…)«, manifesta André Abeledo.

Para o concelleiro «entendemos que é de xustiza que a Xunta de Galicia e o Goberno Central cumpran coa súa obriga de pagar a parte que que nun principio correspondíalle pagar a UE en relación as obras da rede de saneamento da nosa ría. Posto que aínda non están aprobados os presupostos nin da Xunta de Galicia nin do goberno Central, e estamos en tempo para que poidan incluírse enmendas nos presuposto nese senso, o Goberno Central e a Xunta de Galicia teñen na súa man que os orzamentos contemplen o financiamento dunha obra de “interese xeral”, como é a do saneamento.«