Galicia Ártabra Digital Noticias de Ferrol y la comarca de Ferrolterra.
Dentro do estudo das taxas de recollida do lixo, dende Eliximos Narón encontran moitas cousas inexplicables coma que, polo menos dende o ano 2013, se lle estea a cobrar as grandes áreas de distribución e almacenaxe a taxa do lixo moi por debaixo do seu custo. Estiman que se lles está a subvencionar a cargo dos demais usuarios sobre o 50% da súa taxa.
Como o peor ano, según Eliximos Narón, se encontra o 2014 no que o Concello estivo a cobrarlles 71,44 euros/tonelada cando o canon de Sogama xa era de 82,10 €/ton., e a isto habería que sumarlle os custos de recollida, almacenamento e traslado a Sogama, ademais dos custos fixos do servizo.
Tamén encontrá Eliximos Narón que no 2015 se estivo a cobrar a todos os contribuíntes una tarifa que tiña que quedar anulada pola disposición adicional da ordenanza ao cumprirse a baixada prevista do canon de Sogama para ese ano. Son cantidades pequenas que van dende os 4 ou 5 euros para os domicilios, sobre 13,50 euros para comercios e 22 euros para os bares, por exemplo, pero que no seu conxunto supuxo un ingreso adicional para o Concello duns 120.000 euros nese ano, e que se veu a sumar a outros 350.000 euros que tamén se confiscaron coa taxa lixo nese ano.
Eliximos Narón soliciou o luns por rexistro ao alcalde unha aclaración por este cobro inxustificado, e además solicitan explicacións o concelleiro de xestión presupostaria, Pablo Villamar, por permitir estas supostas irregularidades.
